BE.186 Logu no.173
TONGTONG TUTU NA DENGGAN DO

Ayat 1
Jahowa do haposanki Na mangapoi rohangku
Na patiurhon dalanki Bulus dibaen langkangku
Sonang tongtong Rohangkinon Binaen ni Debatangku PatikNa do lomongku

Ayat 2
Na tau haposan situtu Do Ho, o Debatangku
Ai Ho do na tongtong burju Mambaen hangoluanku
Na gogo Ho Sai tulus do Sinangkap ni rohaMu Pasaut na pinungkaMu

Ayat 3
Ndang dung dihalupahon Ho sude na holong roha
Di Ho ai sai dapotsa do Na tau apulapulna
Tung sonang do Dibahen Ho Na sai tongtong porsea Malua sia jea

Ayat 4
Sai tatap sitiruonmi Binaen ni Tuhan Jesus
Andorang na di Golgata MudarNa i lao durus
Sai pos disi RohaNa i Ditiop do AmaNa Sai tiru ma Ibana.

Ayat 5
Antong sai sahat ma tu Ho Au on, o Debatangku
Asi rohaM, sai tait gogo Tu Ho sandok rohangku
Sai togu i Tu surgoMi Ai di na tos hosangku Ho do dapothononku.
